Киборг (cyborg) гэж юу болох талаар хүмүүс зөгнөлт киноноос тодорхой хэмжээний ойлголт, төсөөлөлтэй болсон байдаг. "Robocop" цувралын робот цагдаа, хамгийн сүүлийн жишээ гэхэд "Terminator salvation" киноны Маркус зэрэг хагас хүн хагас роботууд нь энгийн хүнд баймгүй их хүч чадал, физиологийн боломжуудыг агуулсан байдаг билээ. Эдгээр нь киборгийн хөгжлийн эцсийн шатны бүтээгдэхүүнүүдийн тухай төсөөлөл юм.
Ирээдүйд технологийн хөгжлийн өндөр түвшинд хангалттай нарийн төвөгтэй үйлдлүүд гүйцэтгэх чадвар бүхий хиймэл оюун ухаант роботууд бүтээгдэх учир заавал хүний бие махбодыг техниктэй холбосон киборг байх шаардлагатай юу гэдэг асуудал ч бас байдаг. Нөгөө талаас хүнд хүчир ажил гүйцэтгэх, тулгуур эртхний хөгжлийн бэрхшээлтэй хүний үйл хөдлөлийг дэмжих, гар хөл зэрэг осол гэмтэл, өвчинөөс шалтгаалан тайрагдсан, үйл ажиллагаа нь алдагдсан эртxнийг орлуулах гэх мэт зорилгоор ашиглах хувилбар байж болоx юм.
Ингээд зөгнөл мөрөөдлөө түр орхин бидний амьдран байгаа одоо цагийн кибернетикийн салбарт хийгдэж буй зарим нэг шинэ судлагаануудын талаар цувралаар танилцуулъя. Тархи, мэдрэл судлал, физологи, мэдээллийн технологи, робот судлалын хамгийн шинэ ололтуудыг тусгасан эдгээр судлагааны ажлууд нь дээр дурдсан киборг бүтээхэд маш ойрхон байгаа мэт сэтгэгдлийг өөрийн эргүй төрүүлэх болно.
Киборг 1 - Сармагчин роботыг "бодол санаа"-гаараа удирдана.
АНУ-ын "Pittsburgh"-ийн их сургуулийн эрдэмтдийн судлагааны дүнд сармагчин роботыг "бодол санаа"-гаараа удирдаж сурчээ. Тархинд нь суулгасан чипний тусламжтайгаар сармагчин хоол авч ам руугаа хийх, ус уухын тулд крант онгойлгох зэрэг үйдлийг бодол санаагаар удирдагдах робот-гараар чөлөөтэй хийж сурсан байна. Сармагчингийн тархиний гадаргад суулгасан электродууд нь хөдөлгөөнийг удирдах тархины төв хэсгээс дохиоллуудыг хүлээн авна. Уг дохиоллуудыг компьютерийн программ хангамжаар боловсруулан сармагчин ямар үйлдэл хийхийг хүсч байгааг таньж мэдэх боломжтой ажээ.
Дараа нь программаас робот-гар руу аль чиглэлд ямар хурдтайгаар хөдлөж ямар үйлдэл хийх тухай дохиолол илгээгдэгдсэнээр робот-гар хөдлөж эхлэнэ. Хэрэв робот-гар сармагчингийн хүссэн байрлалаас зөрөх тохиолдолд сармагчин робот-гарыг маш хурдан удирдаж үйлдлийг залруулж сурсан байна. Мөн энэ судлагааг ирэх жилээс хүн дээр туршихаар төлөвлөж байгаа гэнэ шүү.
Мехатроник, Мэдээллийн технологи, Робот техник, Физиологи
ганцхан сэтгэгдэл:
Хөөрхий сармагчин, эрдэмтэд энэ гайхамшгийг нээх гэж хэдэн амьтны амь цааш нь харуулсан бол? Ер нь иймэрхүү судалгаа байдаг уу, жилд шинжлэх ухааны аливаа туршилтанд орсон амьтадын тоо, төрлийн талаар?
Сэтгэгдэл үлдээх