FIFA 2022-ыг 3D голограмаар дамжуулах уу

2022 оны хөлбөмбөгийн дэлхийн аваргын тэмцээнийг өөрийн оронд зохион байгуулахаар өрсөлдөж буй Япон улсын төлөөлөгчид өчигдөр Германы Zurich дэх FIFA-ын төв байранд сүүлчийн танилцуулгаа хийлээ. Шалгаруулалтад оролцож буй орнууд дундаас Япон улс тоглолтод өндөр технологи ашиглан үзэгчдийг гайхашруулахаар төлөвлөж байгаагаараа ялгагдаж байна. Хэрэв шалгарсан тохиолдолд дэлхийн улс орнуудын 400 цэнгэлдэх хүрээлэнд 3D хавтгай дэлгэц байрлуулан түүний тусламжтайгаар тоглолтын явцыг бодит хэмжээ бүхий голограмм дүрслэлээр үзүүлэхээр төлөвлөжээ. Энэ нь үзэгчдэд хөлбөмбөгийн жинхэнэ амьд тоглолт үзэж буй мэт сэтгэгдэл төрүүлэх бөгөөд заавал тоглолт болж буй улс орнуудад зорчин очих шаардлагагүй болгож байгаа юм. Ийм боломжийг хөлбөмбөгийг хортойхон нийт 360 сая үзэгч хүртэх бөгөөд 1994 онд АНУ-д болсон дэлхийн аваргын тэмцээнийг цэнгэлдэх хүрээлнд үзсэн хүний тооноос даруй 100 дахин их үзүүлэлт болох юм.

Үүнээс гадна Япон улсад тоглолтыг шууд үзэх үзэгчдийг гарын алганд багтах хэмжээтэй, 50 хэлний хооронд шууд орчуулга хийх чадвартай автомат орчуулагч төхөөрөмжөөр хангах учир хэлний ямар нэгэн бэрхшээл гарахгүй гэж амлаж байна. Энэ төхөөрөмжийн хүчин чадал зөвхөн орчуулгаар хязгаарлагдахгүй бөгөөд онцлог газруудын байрлалыг зааж, тамирчид болон зарим шаардлагатай хүмүүсийн тухай мэдээллийг харуулах чадвартай байх ажээ. Японы спортын сайд Сүзүки Кан бид тоглолтод эдийн засаг, улс төрийн баталгаа өгөхөөс гадна технологийн баталгаа өгч байна гэжээ. 2022 оны дэлхийн аваргын тоглолтыг зохион байгуулахаар АНУ, Катар, Өмнөд Солонгос, Австрали, Япон улсууд өрсөлдөж байгаа бөгөөд шалгаруулалтын эцсийн хариу маргааш зарлагдах гэж байна. Саяхан буюу 2002 онд тоглолтыг зохион байгуулсан Япон улс дахин шалгарах магадлал бага хэмээгдэж байгаа боловч спортын түүхэнд технологийн дэвшилийг гайхалтайгаар ашиглах цаг тун ч холгүй гэдгийг харуулж байна.




эх сурвалж; physorg

,

0 сэтгэгдэл:

Сэтгэгдэл үлдээх