Манай галактик Адаг чуулганы мананцартай мөргөлдөнө

Манай галактик 4 тэрбум жилийн дараа Адаг чуулганы мананцар (Andromeda) хэмээх галактиктай мөргөлдөх болно. Бараг зуугаад жилийн өмнөөс таамаглагдсаар ирсэн энэхүү үйл явдал зайлшгүй гэдгийг НАСА-гийн эрдэмтэд тогтоож, мөргөлдөөний дүр төрхийг тодорхойлсон байна. Адаг чуулганы мананцар нь манай галактикаас хамгийн ойрхон буюу 2.5 сая гэрлийн зайд орших спирал хэлбэрийн аварга галактик юм.

Мөн манай галактик 300 тэрбум оддыг агуулдаг бол уг галактик 3 дахин олон тооны одыг агуулдаг байна. Шинжлэх ухааны хэллэгээр М31 хэмээн нэрлэгдэх уг галактик цагт 400 мянган км-ийн хурдтайгаар манай галактикийг угтан хөдлөж байгаа юм. Энэ хурд нь сар дэлхийг тойрох хурдтай тэнцэнэ. Хоёр галактикийн мөргөлдөөн 2 тэрбум жилийн хугацаанд үргэлжилж эцэстээ нэгэн том галактик болон хувирах юм.

Мөргөлдөөний үед нарны аймаг, түүний гаригууд устаж алга болохгүй бөгөөд галактийн төвөөс илүү холдож, шинэ тойрог замд шилжих юм байна. Орчлон ертөнц тэлэхийн зэрэгцээ түүний тэлэлтийн хурд нэмэгдэж байгаа нөхцөлд ойролцоо байрлах галактикууд тус тусын хар материйн гравитацын хүчний нөлөөгөөр нэг нэгэндээ татагдан мөргөлддөг байна. Гэхдээ ийм төрлийн мөргөлдөөн орчлон ертөнцийн хэмжээ өнөөгийнхөөс бага байсан өнгөрсөн үед элбэг тохиолддог байжээ.

Өмнө нь галактикийн мөргөлдөөнийг нарийвчлан судлах боломж хязгаарлагдмал байсан бол НАСА-гийн эрдэмтэд хамгийн сүүлийн үеийн хүчирхэг дурангийн тусламжтайгаар галактикийн тодорхой хэсгүүдийг 5-6 жилийн турш ажиглаж, тэдгээрийн хурдыг олон дахин давтан хэмжсэний үндсэн дээр дээрх дүгнэлтэд хүрчээ. Хоёр галактикийн мөргөлдөөн хэрхэн явагдахыг дараах бичлэгээс үзнэ үү.



Галактикууд мөргөлдөх үед, зүүн гар талынх нь манай галактик

Адаг чуулганы мананцар


эх сурвалж, mailonline

,

4 сэтгэгдэл:

Gehdee delhiin agaar 1 terbum jiliin dotor sansart uurshina tehleer hunees daraagiin uyiin suun tejeelten uhaant amitad oor odnii daguulaas ter gaihamshigiig ajiglah baih.

Cаарал хариулав... 6/4/12, 2:26 AM

зарим улсууд сүүн тэжээлтэн гэхээс илүүтэйгээр махан биеэс ангижирсан долгиолог, оюун ухаантангууд гэж нэрлэгдэх дуртай болтоймаа ...

хариулах...

Sain baina uu?
Turuun sarni tuhai unshij baihad manai delhii Narnii nuluuguur ustah tuhai garsan. 5 terbum jiliin daraa. Tegwel 4 terbum jiliin daraa manai galaktict iim zuil tohioldwol Delhii maani ustsan, eswel uur toirog zamd orson baih yum bolow uu? eswel 5 terbum jilee huleegeed bairandaa baij baih yum bolow uu? Nadad mash sonin sanagdaj baina l daa

хариулах...
This comment has been removed by the author.
хариулах...

Сэтгэгдэл үлдээх